koi gham mustaqil nahin jata
koī ġham mustaqil nahīñ jaatā
zaḳhm siine se sil nahīñ jaatā
tab talak māñgtī rahūñgī use
jab talak mujh ko mil nahīñ jaatā
ab sañvarne ko aa.ine kī taraf
maiñ to jaatī huuñ dil nahīñ jaatā
jis ko ik baar kho diyā jaa.e
haath malne se mil nahīñ jaatā
lafz hote haiñ nāḳhunoñ kī tarah
zaḳhm ḳhud se to chhil nahīñ jaatā
us se māñgo ki us ke hī dar se
koī bhī muzmahil nahīñ jaatā
dil dukhāte ho Dar nahīñ lagtā
aah se 'arsh hil nahīñ jaatā
'nāziya' dil ko us taraf rakhnā
jis taraf mushta'il nahīñ jaatā
koi gham mustaqil nahin jata
zaKHm sine se sil nahin jata
tab talak mangti rahungi use
jab talak mujh ko mil nahin jata
ab sanwarne ko aaine ki taraf
main to jati hun dil nahin jata
jis ko ek bar kho diya jae
hath malne se mil nahin jata
lafz hote hain naKHunon ki tarah
zaKHm KHud se to chhil nahin jata
us se mango ki us ke hi dar se
koi bhi muzmahil nahin jata
dil dukhate ho Dar nahin lagta
aah se 'arsh hil nahin jata
'naziya' dil ko us taraf rakhna
jis taraf mushta'il nahin jata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
