koi gila na koi shikayat karenge hum

koī gila na koī shikāyat kareñge ham

zālim tire ḳhilāf baġhāvat kareñge ham

ai rahbarān-e-qaum hameñ chhoḌ jaao tum

ḳhud apne qāfile kī qayādat kareñge ham

jaao tumhārī koī zarūrat nahīñ hai ab

urdu zabāñ kī ḳhud hī hifāzat kareñge ham

auqāf kī zamīñ ke muhāfiz bhī kah uThe

mauqa milā hai is meñ ḳhayānat kareñge ham

haq māñgne ke vāste aivān jā.eñge

apnī suneñ to phir na sharārat kareñge ham

qātil hameñ bhī qatl kare to kare magar

mazlūm kī zarūr himāyat kareñge ham

anjām kuchh bhī hone do parvā nahīñ hai ab

zālim kī ai 'ziyā' na itā.at kareñge ham

koi gila na koi shikayat karenge hum

zalim tere KHilaf baghawat karenge hum

ai rahbaran-e-qaum hamein chhoD jao tum

KHud apne qafile ki qayaadat karenge hum

jao tumhaari koi zarurat nahin hai ab

urdu zaban ki KHud hi hifazat karenge hum

auqaf ki zamin ke muhafiz bhi kah uThe

mauqa mila hai is mein KHayanat karenge hum

haq mangne ke waste aiwan jaenge

apni sunen to phir na shararat karenge hum

qatil hamein bhi qatl kare to kare magar

mazlum ki zarur himayat karenge hum

anjam kuchh bhi hone do parwa nahin hai ab

zalim ki ai 'ziya' na itaat karenge hum