koi guzra hai is pe saneha inkar karta tha

koī guzrā hai is pe sāneha inkār kartā thā

daraḳht-e-zīst kā pattā harā inkār kartā thā

simaTte dā.ere meñ qaid honā us kī qismat thī

ba-nām-e-vus.at-e-sahrā khulā inkār kartā thā

ajab āñdhī kā jhoñkā thā bichhā kar bhī saf-e-mātam

darūn-e-ḳhema-e-āb-o-havā inkār kartā thā

zamīñ har paañv kī maḳhsūs lamhe meñ khisaktī thī

jo thā us kā sharīk-e-mājrā inkār kartā thā

ajab thā munkir-e-shab jugnuoñ ko Taañk lene par

ġhurūb-e-nūr se bā-qā.edā inkār kartā thā

koi guzra hai is pe saneha inkar karta tha

daraKHt-e-zist ka patta hara inkar karta tha

simaTte daere mein qaid hona us ki qismat thi

ba-nam-e-wusat-e-sahra khula inkar karta tha

ajab aandhi ka jhonka tha bichha kar bhi saf-e-matam

darun-e-KHema-e-ab-o-hawa inkar karta tha

zamin har panw ki maKHsus lamhe mein khisakti thi

jo tha us ka sharik-e-majra inkar karta tha

ajab tha munkir-e-shab jugnuon ko Tank lene par

ghurub-e-nur se ba-qaeda inkar karta tha