koi hai jo gham nahin jhelta kise har nafas mein sukun hai

koī hai jo ġham nahīñ jheltā kise har nafas meñ sukūn hai

tire chāra-gar ko ḳhabar nahīñ tire apne bas meñ sukūn hai

kisī maslahat ke ġhubār meñ kahāñ rāsta nazar aa.egā

use jā ke dekhiye dosto jise pesh-o-pas meñ sukūn hai

mire rāste baḌe narm-ḳhū vo shumāl ho ki junūb ho

mire qulzum-e-ġham-e-jāvedāñ tire niile ras meñ sukūn hai

use be-numū kisī ḳhvāb ne kahīñ gahrī niiñd sulā diyā

use bhā ga.ī haiñ kahāvateñ use bhī qafas meñ sukūn hai

kabhī hādsoñ se Darā nahīñ kabhī faisloñ se phirā nahīñ

mirī be-yaqīniyāñ be-ḳhabar mirī dastaras meñ sukūn hai

koi hai jo gham nahin jhelta kise har nafas mein sukun hai

tere chaara-gar ko KHabar nahin tere apne bas mein sukun hai

kisi maslahat ke ghubar mein kahan rasta nazar aaega

use ja ke dekhiye dosto jise pesh-o-pas mein sukun hai

mere raste baDe narm-KHu wo shumal ho ki junub ho

mere qulzum-e-gham-e-jawedan tere nile ras mein sukun hai

use be-numu kisi KHwab ne kahin gahri nind sula diya

use bha gai hain kahawaten use bhi qafas mein sukun hai

kabhi hadson se Dara nahin kabhi faislon se phira nahin

meri be-yaqiniyan be-KHabar meri dastaras mein sukun hai