koi hai jo shikast-e-zabt-e-gham hone nahin deta

koī hai jo shikast-e-zabt-e-ġham hone nahīñ detā

maiñ ronā chāhtā huuñ aur vo rone nahīñ detā

sar-e-āġhāz har shab ik nayā ġham gher letā hai

jo ḳhud bhī jāgtā hai aur mujhe sone nahīñ detā

na.e ġham baḳhshtā hai dil ko bahlā.e bhī jaatā hai

ġharaz vo e'tibār-e-ġham kabhī khone nahīñ detā

bahut jī chāhtā hai ḳhud ko ab ro leñ sar-e-hastī

koī hai jo ye rasm-e-ġham adā hone nahīñ detā

ajab ik sho.ala-e-ġham fasl-e-ulfat phūñk detā hai

na.ī ik fasl phir bo.eñ magar bone nahīñ detā

koi hai jo shikast-e-zabt-e-gham hone nahin deta

main rona chahta hun aur wo rone nahin deta

sar-e-aghaz har shab ek naya gham gher leta hai

jo KHud bhi jagta hai aur mujhe sone nahin deta

nae gham baKHshta hai dil ko bahlae bhi jata hai

gharaz wo e'tibar-e-gham kabhi khone nahin deta

bahut ji chahta hai KHud ko ab ro len sar-e-hasti

koi hai jo ye rasm-e-gham ada hone nahin deta

ajab ek shoala-e-gham fasl-e-ulfat phunk deta hai

nai ek fasl phir boen magar bone nahin deta