koi hai par nazar aata nahin hai
koī hai par nazar aatā nahīñ hai
ġhanīmat hai vo ghar aatā nahīñ hai
ġhazab kī dhuup hai aur rāste meñ
kahīñ koī shajar aatā nahīñ hai
ḳhushī se kab koī jaatā hai phir bhī
koī kyoñ lauT kar aatā nahīñ hai
ḳhayāloñ meñ ghirā rahtā huuñ har dam
ḳhayāl apnā magar aatā nahīñ hai
bulātā kyoñ nahīñ mujh ko falak par
sitāra kyoñ utar aatā nahīñ hai
phirā kartā hai saare shahr meñ vo
maiñ kahtā huuñ idhar aatā nahīñ hai
ġhazal meñ kyā milā dete ho 'alvī'
maza aatā hai par aatā nahīñ hai
koi hai par nazar aata nahin hai
ghanimat hai wo ghar aata nahin hai
ghazab ki dhup hai aur raste mein
kahin koi shajar aata nahin hai
KHushi se kab koi jata hai phir bhi
koi kyon lauT kar aata nahin hai
KHayalon mein ghira rahta hun har dam
KHayal apna magar aata nahin hai
bulata kyon nahin mujh ko falak par
sitara kyon utar aata nahin hai
phira karta hai sare shahr mein wo
main kahta hun idhar aata nahin hai
ghazal mein kya mila dete ho 'alwi'
maza aata hai par aata nahin hai
- Book : Lifaafe Mein Raushni (Pg. 115)
- Author :Mohammad Alvi
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
