koi hota hai, har ek aashna achchha nahin hota

koī hotā hai, har ik āshnā achchhā nahīñ hotā

zarūrat se ziyāda rābta achchhā nahīñ hotā

sambhal kar khelnā chāho to dil se khel sakte ho

bachāo haath TuuTā aa.inā achchhā nahīñ hotā

jo vīrānoñ meñ hote haiñ vo ghar mahfūz hote haiñ

kisī kī dastaras meñ ghoñsla achchhā nahīñ hotā

Dubo degī gharelū kashmakash ma.asūm bachchoñ ko

kināroñ meñ ziyāda fāsla achchhā nahīñ hotā

taġhāful terā sheva hai magar ai bhūlne vaale

mohabbat ke dinoñ ko bhūlnā achchhā nahīñ hotā

kisī kī baat sunñā bhī zarūrī hai tafāvut meñ

ki yak-tarfa koī bhī faisla achchhā nahīñ hotā

samundar bāzuoñ ko āzmātā hai kināre tak

masāfat meñ shikasta hausla achchhā nahīñ hotā

galī meñ gir bhī saktā hai koī rah-gīr Thokar se

darīche se har ik ko dekhnā achchhā nahīñ hotā

koi hota hai, har ek aashna achchha nahin hota

zarurat se ziyaada rabta achchha nahin hota

sambhal kar khelna chaho to dil se khel sakte ho

bachao hath TuTa aaina achchha nahin hota

jo viranon mein hote hain wo ghar mahfuz hote hain

kisi ki dastaras mein ghonsla achchha nahin hota

Dubo degi gharelu kashmakash masum bachchon ko

kinaron mein ziyaada fasla achchha nahin hota

taghaful tera shewa hai magar ai bhulne wale

mohabbat ke dinon ko bhulna achchha nahin hota

kisi ki baat sunna bhi zaruri hai tafawut mein

ki yak-tarfa koi bhi faisla achchha nahin hota

samundar bazuon ko aazmata hai kinare tak

masafat mein shikasta hausla achchha nahin hota

gali mein gir bhi sakta hai koi rah-gir Thokar se

dariche se har ek ko dekhna achchha nahin hota