koi is KHwab ki tabir to batlae mujhe

koī is ḳhvāb kī ta.abīr to batlā.e mujhe

maiñ huuñ sahrā meñ magar dariyā nazar aa.e mujhe

mere andar ke ik ehsās ne dī hai ye sadā

tū agar ḳhud ko miTā le kabhī pā jaa.e mujhe

raat ke pichhle pahar tak maiñ phirūñ nashshe meñ

aur koī shoḳh hasīna mire ghar laa.e mujhe

tū ne ai mumbai jo kuchh bhī diyā hai mujh ko

vo mirā shahr to sadiyoñ bhī na de paa.e mujhe

maiñ tumhārī hī tarah bazm meñ chhā jā.ūñ magar

jhuuT kahne kā salīqa bhī to aa jaa.e mujhe

koi is KHwab ki tabir to batlae mujhe

main hun sahra mein magar dariya nazar aae mujhe

mere andar ke ek ehsas ne di hai ye sada

tu agar KHud ko miTa le kabhi pa jae mujhe

raat ke pichhle pahar tak main phirun nashshe mein

aur koi shoKH hasina mere ghar lae mujhe

tu ne ai mumbai jo kuchh bhi diya hai mujh ko

wo mera shahr to sadiyon bhi na de pae mujhe

main tumhaari hi tarah bazm mein chha jaun magar

jhuT kahne ka saliqa bhi to aa jae mujhe