koi jalwa tera aisa nahin hai

koī jalva terā aisā nahīñ hai

mere dil ne jise parkhā nahīñ hai

na jīvan meñ kisī se rūThnā tum

tumheñ is ġham kā andāza nahīñ hai

yaqīñ maano uḌā hai chain dil kā

tumheñ jis roz se dekhā nahīñ hai

tumhārā faisla tum ko mubārak

magar rishta mirā kachchā nahīñ hai

ye maanā bhūlnā fitrat hai terī

kisī ko bhūlnā achchhā nahīñ hai

kabhī maiñ yaad bhī aa jā.ūñ tum ko

ziyāda sochnā achchhā nahīñ hai

mirī āñkhoñ se manzar dekh le tū

tirī āñkhoñ ne jo dekhā nahīñ hai

lagan sachchī rifāqat aur ulfat

ye kachche suut kā dhāgā nahīñ

tujhe har zāviye se parkhā maiñ ne

koī pahlū terā khoTā nahīñ hai

nikhārā ishq kī agnī ne us ko

ye 'kundan' ho gayā sonā nahīñ hai

koi jalwa tera aisa nahin hai

mere dil ne jise parkha nahin hai

na jiwan mein kisi se ruThna tum

tumhein is gham ka andaza nahin hai

yaqin mano uDa hai chain dil ka

tumhein jis roz se dekha nahin hai

tumhaara faisla tum ko mubarak

magar rishta mera kachcha nahin hai

ye mana bhulna fitrat hai teri

kisi ko bhulna achchha nahin hai

kabhi main yaad bhi aa jaun tum ko

ziyaada sochna achchha nahin hai

meri aankhon se manzar dekh le tu

teri aankhon ne jo dekha nahin hai

lagan sachchi rifaqat aur ulfat

ye kachche sut ka dhaga nahin

tujhe har zawiye se parkha main ne

koi pahlu tera khoTa nahin hai

nikhaara ishq ki agni ne us ko

ye 'kundan' ho gaya sona nahin hai