koi KHadsha hai na tufan bala kuchh bhi nahin
koī ḳhadsha hai na tūfān balā kuchh bhī nahīñ
ab na ġhamza hai na andāz-o-adā kuchh bhī nahīñ
ishq kahte haiñ kise husn hai kyā kuchh bhī nahīñ
merī āñkheñ tirī sūrat ke sivā kuchh bhī nahīñ
kab se vīrān paḌī hai mire dil kī duniyā
koī naġhma kisī paa.el kī sadā kuchh bhī nahīñ
zahr se kam nahīñ ye sāġhar-e-mai mere liye
tū nahīñ hai to ye mausam ye fazā kuchh bhī nahīñ
tere chehre pe qayāmat hai hayā kī surḳhī
rañg-e-gul rañg-e-shafaq rañg-e-hinā kuchh bhī nahīñ
koi KHadsha hai na tufan bala kuchh bhi nahin
ab na ghamza hai na andaz-o-ada kuchh bhi nahin
ishq kahte hain kise husn hai kya kuchh bhi nahin
meri aankhen teri surat ke siwa kuchh bhi nahin
kab se viran paDi hai mere dil ki duniya
koi naghma kisi pael ki sada kuchh bhi nahin
zahr se kam nahin ye saghar-e-mai mere liye
tu nahin hai to ye mausam ye faza kuchh bhi nahin
tere chehre pe qayamat hai haya ki surKHi
rang-e-gul rang-e-shafaq rang-e-hina kuchh bhi nahin
- Book : Shab Charagh (Pg. 133)
- Author : Bakhtiyar Ziya
- Publication : Markaz-e-adab (1993)
- Edition : 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
