کوئی خود سے سوا نہیں ہوتا
کوئی خود سے سوا نہیں ہوتا
بندہ ہرگز خدا نہیں ہوتا
دل ہمارا ہے یا تمہارا اب
ہم سے یہ فیصلہ نہیں ہوتا
جانے والا اگر نہیں آتا
خانۂ دل سجا نہیں ہوتا
کیا قیامت تھی آپ کا دیدار
روز یہ سانحہ نہیں ہوتا
دو قدم میرے ساتھ تو چلتے
تم سے اتنا بھی کیا نہیں ہوتا
لوگ تو وضع تک نبھاتے ہیں
تم سے وعدہ وفا نہیں ہوتا
یہ تو دیکھا کہ کیا ہوا رخسارؔ
یہ بھی دیکھو کہ کیا نہیں ہوتا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
