koi KHubsurat mujhe ab nazara nahin dekhna hai

koī ḳhūbsūrat mujhe ab nazārā nahīñ dekhnā hai

qasam hai ḳhudā kī tumheñ ab dobāra nahīñ dekhnā hai

suhūlat agar de mujhe zindagī to nayā kuchh karūñgā

guzishta dinoñ meñ jo maiñ ne guzārā nahīñ dekhnā hai

maiñ kis ko batā.ūñ mire saath qismat ne kyā khel khele

mujhe ab falak par koī bhī sitārā nahīñ dekhnā hai

abhī lutf lenā hai mujh ko ka.ī saal tere karam kā

abhī zaḳhm-e-dil kā mujhe koī chāra nahīñ dekhnā hai

mohabbat jidhar bhī mujhe mil rahī hai chalā jā rahā huuñ

mire yaar mujh ko hamārā tumhārā nahīñ dekhnā hai

abhī to bahut kaam 'sohil' tire bin adhūre paḌe haiñ

abhī yaar is zindagī kā kinārā nahīñ dekhnā hai

koi KHubsurat mujhe ab nazara nahin dekhna hai

qasam hai KHuda ki tumhein ab dobara nahin dekhna hai

suhulat agar de mujhe zindagi to naya kuchh karunga

guzishta dinon mein jo main ne guzara nahin dekhna hai

main kis ko bataun mere sath qismat ne kya khel khele

mujhe ab falak par koi bhi sitara nahin dekhna hai

abhi lutf lena hai mujh ko kai sal tere karam ka

abhi zaKHm-e-dil ka mujhe koi chaara nahin dekhna hai

mohabbat jidhar bhi mujhe mil rahi hai chala ja raha hun

mere yar mujh ko hamara tumhaara nahin dekhna hai

abhi to bahut kaam 'sohil' tere bin adhure paDe hain

abhi yar is zindagi ka kinara nahin dekhna hai