koi kisi ka hota nahin is jahan mein

koī kisī kā hotā nahīñ is jahān meñ

kāñTe mile haiñ ham ko sabhī kī zabān meñ

pahchānte nahīñ dar-o-dīvār in dinoñ

ban kar kirāye-dār haiñ apne makān meñ

yādeñ bachī huī haiñ faqat biite vaqt kī

taalā lagā ke baiThe haiñ apnī dukān meñ

ham se juḌī huī haiñ zamāne kī talḳhiyāñ

'naurang' fail ho ga.e har imtihān meñ

koi kisi ka hota nahin is jahan mein

kanTe mile hain hum ko sabhi ki zaban mein

pahchante nahin dar-o-diwar in dinon

ban kar kiraye-dar hain apne makan mein

yaaden bachi hui hain faqat bite waqt ki

tala laga ke baiThe hain apni dukan mein

hum se juDi hui hain zamane ki talKHiyan

'naurang' fail ho gae har imtihan mein