koi kuchh bhi kahta rahe sab KHamoshi se sun leta hai
koī kuchh bhī kahtā rahe sab ḳhāmoshī se sun letā hai
us ne bhī ab gahrī gahrī sāñseñ lenā siikh liyā hai
pīchhe haTnā to chāhā thā par aise bhī nahīñ chāhā thā
apnī taraf baḌhne ke liye bhī us kī taraf chalnā paḌtā hai
jab tak ho aur jaise bhī ho duur raho us kī nazroñ se
itnā purānā hai ki ye rishta phir se nayā bhī ho saktā hai
jaise sab tūfān mirī sāñsoñ se bañdhe hoñ mujh meñ chhupe hoñ
dil meñ kisī Dar ke aate hī zor havā kā baḌh jaatā hai
maiñ to fasurda huuñ hī lekin ashk raqīb kī aañkh meñ bhī haiñ
ek mahāz pe haare haiñ ham ye rishta kyā kam rishta hai
rañg meñ haiñ saare ghar vaale khanak rahe haiñ chaa.e ke pyāle
duniyā jaag chukī hai lekin apnā saverā nahīñ huā hai
koi kuchh bhi kahta rahe sab KHamoshi se sun leta hai
us ne bhi ab gahri gahri sansen lena sikh liya hai
pichhe haTna to chaha tha par aise bhi nahin chaha tha
apni taraf baDhne ke liye bhi us ki taraf chalna paDta hai
jab tak ho aur jaise bhi ho dur raho us ki nazron se
itna purana hai ki ye rishta phir se naya bhi ho sakta hai
jaise sab tufan meri sanson se bandhe hon mujh mein chhupe hon
dil mein kisi Dar ke aate hi zor hawa ka baDh jata hai
main to fasurda hun hi lekin ashk raqib ki aankh mein bhi hain
ek mahaz pe haare hain hum ye rishta kya kam rishta hai
rang mein hain sare ghar wale khanak rahe hain chae ke pyale
duniya jag chuki hai lekin apna sawera nahin hua hai
- Book : Khidki To Main Ne Khol Hi Li (Pg. 118)
- Author :Shariq Kaifi
- Publication : Rekhta Publications (2022)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
