koi mahtab nahin koi sitara bhi nahin

koī mahtāb nahīñ koī sitārā bhī nahīñ

ai ḳhudā bahr-e-mohabbat kā kinārā bhī nahīñ

haañ vahī shaḳhs ki thā lafz-e-judā.ī se ḳhafā

dam-e-ruḳhsat mujhe zālim ne pukārā bhī nahīñ

kyā sikhā.egā vo ādāb-e-mohabbat mujh ko

rāh-e-ulfat meñ jise rañj gavārā bhī nahīñ

shab-e-hijrāñ meñ liye baiThī huuñ ashkoñ ke charāġh

kyā karūñ is ke sivā to koī chārā bhī nahīñ

maiñ ne toḌā hai ta.alluq to faqat itnī hai baat

mujh meñ ab dard-o-alam sahne kā yaarā bhī nahīñ

us kī pur-shauq nigāhoñ se sajā kartī thī

vo gayā hai to kabhī ḳhud ko sañvārā bhī nahīñ

ġham-e-daurāñ ne 'shafaq' zulm kiyā hai aisā

bebasī meñ ġham-e-jānāñ kā sahārā bhī nahīñ

koi mahtab nahin koi sitara bhi nahin

ai KHuda bahr-e-mohabbat ka kinara bhi nahin

han wahi shaKHs ki tha lafz-e-judai se KHafa

dam-e-ruKHsat mujhe zalim ne pukara bhi nahin

kya sikhaega wo aadab-e-mohabbat mujh ko

rah-e-ulfat mein jise ranj gawara bhi nahin

shab-e-hijran mein liye baiThi hun ashkon ke charagh

kya karun is ke siwa to koi chaara bhi nahin

main ne toDa hai talluq to faqat itni hai baat

mujh mein ab dard-o-alam sahne ka yara bhi nahin

us ki pur-shauq nigahon se saja karti thi

wo gaya hai to kabhi KHud ko sanwara bhi nahin

gham-e-dauran ne 'shafaq' zulm kiya hai aisa

bebasi mein gham-e-jaanan ka sahaara bhi nahin