koi majnun koi farhad bana phirta hai
koī majnūñ koī farhād banā phirtā hai
ishq meñ har koī ustād banā phirtā hai
jis se tā'bīr kī ik iiñT uThā.ī na ga.ī
ḳhvāb ke shahr kī buniyād banā phirtā hai
pahle kuchh log parindoñ ke shikārī the yahāñ
ab to har aadmī sayyād banā phirtā hai
dhuup meñ itnī suhūlat bhī ġhanīmat hai mujhe
ek saaya mirā ham-zād banā phirtā hai
baaġh meñ aisī havāoñ kā chalan aam huā
phuul sā haath bhī faulād banā phirtā hai
naqsh-bar-āb to ham dekhte aa.e lekin
naqsh ye kaun sā barbād banā phirtā hai
koi majnun koi farhad bana phirta hai
ishq mein har koi ustad bana phirta hai
jis se ta'bir ki ek inT uThai na gai
KHwab ke shahr ki buniyaad bana phirta hai
pahle kuchh log parindon ke shikari the yahan
ab to har aadmi sayyaad bana phirta hai
dhup mein itni suhulat bhi ghanimat hai mujhe
ek saya mera ham-zad bana phirta hai
bagh mein aisi hawaon ka chalan aam hua
phul sa hath bhi faulad bana phirta hai
naqsh-bar-ab to hum dekhte aae lekin
naqsh ye kaun sa barbaad bana phirta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
