koi mil jae agar waqt guzari ke liye

koī mil jaa.e agar vaqt guzārī ke liye

apnā kar luuñ maiñ use zindagī saarī ke liye

balcony pe khaḌī laḌkiyāñ kab sochtī haiñ

ye jagah Thiik nahīñ ā.ina-dārī ke liye

sirf ġhazloñ se hī andāza lagā loge miyāñ

yā lahū thūknā lāzim hai likhārī ke liye

dost tujh ko hai bahut shauq muhim-jūī kā

chal imārāt ko chalte haiñ safāri ke liye

ye jo duniyā ke masā.il haiñ ye duniyā jaane

ham ko milnā hai faqat 'ishq-guzārī ke liye

shaam ko shaam se aage nahīñ jaane dūñgā

aap kī aañkh se girtī huī dhārī ke liye

raat hotī hai ki tāroñ ko gineñ ham 'anjum'

din nikaltā hai yahāñ zaḳhm-shumārī ke liye

koi mil jae agar waqt guzari ke liye

apna kar lun main use zindagi sari ke liye

balcony pe khaDi laDkiyan kab sochti hain

ye jagah Thik nahin aaina-dari ke liye

sirf ghazlon se hi andaza laga loge miyan

ya lahu thukna lazim hai likhaari ke liye

dost tujh ko hai bahut shauq muhim-jui ka

chal imaraat ko chalte hain safari ke liye

ye jo duniya ke masail hain ye duniya jaane

hum ko milna hai faqat 'ishq-guzari ke liye

sham ko sham se aage nahin jaane dunga

aap ki aankh se girti hui dhaari ke liye

raat hoti hai ki taron ko ginen hum 'anjum'

din nikalta hai yahan zaKHm-shumari ke liye