koi nahin hamara pursan-e-haal ab ke
koī nahīñ hamārā pursān-e-hāl ab ke
pahle se bhī shikasta aayā hai saal ab ke
himmat to aa ga.ī thī dukh jhelne kī lekin
aayā hai ġham hī chal ke ik aur chaal ab ke
kī hai bahut ibādat furqat meñ āñsuoñ ne
yazdāñ tū kar le un kā kuchh to ḳhayāl ab ke
bātoñ kī naġhmagī sab aahoñ meñ Dhal ga.ī hai
phailā udāsiyoñ kā kaisā ye jaal ab ke
do laḳht ho gayā hai ye dil nazār apnā
uTThā jo dūriyoñ kā phir se savāl ab ke
barg-o-samar se aarī tanhā shajar ho jaise
jīvan kī hai 'safī'-jī aisī misāl ab ke
koi nahin hamara pursan-e-haal ab ke
pahle se bhi shikasta aaya hai sal ab ke
himmat to aa gai thi dukh jhelne ki lekin
aaya hai gham hi chal ke ek aur chaal ab ke
ki hai bahut ibaadat furqat mein aansuon ne
yazdan tu kar le un ka kuchh to KHayal ab ke
baaton ki naghmagi sab aahon mein Dhal gai hai
phaila udasiyon ka kaisa ye jal ab ke
do laKHt ho gaya hai ye dil nazar apna
uTTha jo duriyon ka phir se sawal ab ke
barg-o-samar se aari tanha shajar ho jaise
jiwan ki hai 'safi'-ji aisi misal ab ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
