koi nahin ki yar ki lawe KHabar mujhe

koī nahīñ ki yaar kī laave ḳhabar mujhe

ai sail-e-ashk tū hī bahā de udhar mujhe

yā sub.h ho chuke kahīñ yā maiñ hī mar chukūñ

ro baiThūñ is sahar hī ko maiñ yā sahar mujhe

na dair hī ko samjhūñ huuñ na ka.aba ye tirā

phirtā hai ishtiyāq liye ghar-ba-ghar mujhe

minnat to sar pe tesha kī farhād tab maiñ luuñ

jab sar paTakne ko na ho dīvār-o-dar mujhe

kyā jā.ūñ jā.ūñ kartā hai jānāñ to baiTh jā

maiñ dekhūñ tujh ko aur tū dekh ik nazar mujhe

phir koī dam meñ aah ḳhudā jaane ye falak

le jaave kis taraf ko tujhe aur kidhar mujhe

ronā kabhī jo ā.ankhoñ bhī dekhā na thā 'hasan'

so ab falak ne dil kā kiyā nauhagar mujhe

koi nahin ki yar ki lawe KHabar mujhe

ai sail-e-ashk tu hi baha de udhar mujhe

ya subh ho chuke kahin ya main hi mar chukun

ro baiThun is sahar hi ko main ya sahar mujhe

na dair hi ko samjhun hun na kaba ye tera

phirta hai ishtiyaq liye ghar-ba-ghar mujhe

minnat to sar pe tesha ki farhad tab main lun

jab sar paTakne ko na ho diwar-o-dar mujhe

kya jaun jaun karta hai jaanan to baiTh ja

main dekhun tujh ko aur tu dekh ek nazar mujhe

phir koi dam mein aah KHuda jaane ye falak

le jawe kis taraf ko tujhe aur kidhar mujhe

rona kabhi jo aaankhon bhi dekha na tha 'hasan'

so ab falak ne dil ka kiya nauhagar mujhe