koi nashsha na koi KHwab KHarid
koī nashsha na koī ḳhvāb ḳharīd
tīra-baḳhtī hai māhtāb ḳharīd
hai muzayyan dukān-e-lā-adrī
sau savāloñ kā ik javāb ḳharīd
kīsa-e-tammā meñ chhupā dīnār
phir bilā ḳhauf ehtisāb ḳharīd
baḌī mabsūt hai kitāb-e-ḳhalq
koī achchhā sā intiḳhāb ḳharīd
tujh meñ hai bahr-e-be-karāñ kā vajūd
tujh se kis ne kahā habāb ḳharīd
totā-chashmī ke aib se hai paak
shakl bad hī sahī ġhurāb ḳharīd
tab kahīñ jā ke hogā tū 'ġhālib'
asadullāh kā ḳhitāb ḳharīd
madah-ḳhvāñ hogā har varaq 'rāhī'
sirf ik lafz-e-intisāb ḳharīd
koi nashsha na koi KHwab KHarid
tira-baKHti hai mahtab KHarid
hai muzayyan dukan-e-la-adri
sau sawalon ka ek jawab KHarid
kisa-e-tamma mein chhupa dinar
phir bila KHauf ehtisab KHarid
baDi mabsut hai kitab-e-KHalq
koi achchha sa intiKHab KHarid
tujh mein hai bahr-e-be-karan ka wajud
tujh se kis ne kaha habab KHarid
tota-chashmi ke aib se hai pak
shakl bad hi sahi ghurab KHarid
tab kahin ja ke hoga tu 'ghaalib'
asadullah ka KHitab KHarid
madah-KHwan hoga har waraq 'rahi'
sirf ek lafz-e-intisab KHarid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
