کوئی نشہ نہ کوئی خواب خرید
کوئی نشہ نہ کوئی خواب خرید
تیرہ بختی ہے ماہتاب خرید
ہے مزین دکان لا ادری
سو سوالوں کا اک جواب خرید
کیسۂ طمع میں چھپا دینار
پھر بلا خوف احتساب خرید
بڑی مبسوط ہے کتاب خلق
کوئی اچھا سا انتخاب خرید
تجھ میں ہے بحر بیکراں کا وجود
تجھ سے کس نے کہا حباب خرید
طوطا چشمی کے عیب سے ہے پاک
شکل بد ہی سہی غراب خرید
تب کہیں جا کے ہوگا تو غالبؔ
اسداللہ کا خطاب خرید
مدح خواں ہوگا ہر ورق راہیؔ
صرف اک لفظ انتساب خرید
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
