koi puchhe mere mahtab se mere sitaron se
koī pūchhe mire mahtāb se mere sitāroñ se
chhalaktā kyuuñ nahīñ sailāb meñ paanī kināroñ se
mukammal ho to sachchā.ī kahāñ taqsīm hotī hai
ye kahnā hai mohabbat ke vafā ke hissa-dāroñ se
Thahar jaa.e dar o dīvār par jab tīsrā mausam
nahīñ kuchh farq paḌtā phir ḳhizāoñ se bahāroñ se
bagūle aag ke raqsāñ rahe tā der sāhil par
samundar kā samundar chhup gayā uḌte sharāroñ se
mirī har baat pas-manzar se kyuuñ mansūb hotī hai
mujhe āvāz sī aatī hai kyuuñ ujḌe dayāroñ se
jahāñ tā-hadd-e-bīnā.ī musāfir hī musāfir hoñ
nishāñ qadmoñ ke miT jaate haiñ aisī rahguzāroñ se
koi puchhe mere mahtab se mere sitaron se
chhalakta kyun nahin sailab mein pani kinaron se
mukammal ho to sachchai kahan taqsim hoti hai
ye kahna hai mohabbat ke wafa ke hissa-daron se
Thahar jae dar o diwar par jab tisra mausam
nahin kuchh farq paDta phir KHizaon se bahaaron se
bagule aag ke raqsan rahe ta der sahil par
samundar ka samundar chhup gaya uDte shararon se
meri har baat pas-manzar se kyun mansub hoti hai
mujhe aawaz si aati hai kyun ujDe dayaron se
jahan ta-hadd-e-binai musafir hi musafir hon
nishan qadmon ke miT jate hain aisi rahguzaron se
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
