koi qimat lagae sae ki

koī qīmat lagā.e saa.e kī

hai ye dīvār bhī kirā.e kī

bujh gayā hai paḌā paḌā cigarette

chuskiyāñ le rahā huuñ chaa.e kī

ham pe masnū'ī dhuup phailā kar

ujrateñ māñgte haiñ saa.e kī

vo jo gumnām se suḳhan-var haiñ

shā'irī kar rahe haiñ paa.e kī

raqs-o-mai kī sajī ye mahfil aur

saath meñ halkī halkī gā.ikī

mashvara aap se liyā ham ne

aur phir radd sabhī kī raa.e kī

apne saare ḳhafā haiñ 'ārif' jī

aap ko fikr hai parā.e kī

koi qimat lagae sae ki

hai ye diwar bhi kirae ki

bujh gaya hai paDa paDa cigarette

chuskiyan le raha hun chae ki

hum pe masnu'i dhup phaila kar

ujraten mangte hain sae ki

wo jo gumnam se suKHan-war hain

sha'iri kar rahe hain pae ki

raqs-o-mai ki saji ye mahfil aur

sath mein halki halki gaiki

mashwara aap se liya hum ne

aur phir radd sabhi ki rae ki

apne sare KHafa hain 'arif' ji

aap ko fikr hai parae ki