koi ranj-o-alam nahin honge

koī ranj-o-alam nahīñ hoñge

ham pe zulm-o-sitam nahīñ hoñge

dekhnā aur sunñā kaam haiñ do

dīda-o-dil baham nahīñ hoñge

ham bhī dekheñge vo jahān tirā

jahāñ ranj-o-alam nahīñ hoñge

bhuul jā.egī ham ko ye duniyā

yā'nī qisse raqam nahīñ hoñge

zeb-e-qirtās hogā na koī lafz

jo vo husn-e-qalam nahīñ hoñge

kyā zarūrī hai un ke baa'd 'umar'

mere dil par sitam nahīñ hoñge

koi ranj-o-alam nahin honge

hum pe zulm-o-sitam nahin honge

dekhna aur sunna kaam hain do

dida-o-dil baham nahin honge

hum bhi dekhenge wo jahan tera

jahan ranj-o-alam nahin honge

bhul jaegi hum ko ye duniya

ya'ni qisse raqam nahin honge

zeb-e-qirtas hoga na koi lafz

jo wo husn-e-qalam nahin honge

kya zaruri hai un ke ba'd 'umar'

mere dil par sitam nahin honge