koi rishta koi bandhan nahin hai

koī rishta koī bandhan nahīñ hai

mujhe ghar jaane kā ab man nahīñ hai

chalā jā.ūñ ki ab maiñ luuT aa.uuñ

mujhe aisī koī uljhan nahīñ hai

ujāloñ meñ añdhere DhūñD leñge

jinheñ mālik tirā simran nahīñ hai

kabhī is prem kī dekho vyathā tum

jahāñ rādhā to hai mohan nahīñ hai

yahāñ ab shiv kī mahimā kaun gaa.e

ye kalyug hai yahāñ rāvan nahīñ hai

tire jaane se yuuñ lagne lagā hai

hriday meñ ab mere kampan nahīñ hai

kabhī sandeh ho to yaad rakhnā

adharmī ke liye darshan nahīñ hai

mujhe ab jiit kar bhī kyā milegā

mirā koī bhī ab dushman nahīñ hai

duā paḌhtā rahā us ke liye maiñ

sivā is ke koī pūjan nahīñ hai

tire tan pe saje zevar bahut haiñ

mirī maañ ke diye kangan nahīñ haiñ

koi rishta koi bandhan nahin hai

mujhe ghar jaane ka ab man nahin hai

chala jaun ki ab main luT aaun

mujhe aisi koi uljhan nahin hai

ujalon mein andhere DhunD lenge

jinhen malik tera simran nahin hai

kabhi is prem ki dekho wyatha tum

jahan radha to hai mohan nahin hai

yahan ab shiw ki mahima kaun gae

ye kalyug hai yahan rawan nahin hai

tere jaane se yun lagne laga hai

hriday mein ab mere kampan nahin hai

kabhi sandeh ho to yaad rakhna

adharmi ke liye darshan nahin hai

mujhe ab jit kar bhi kya milega

mera koi bhi ab dushman nahin hai

dua paDhta raha us ke liye main

siwa is ke koi pujan nahin hai

tere tan pe saje zewar bahut hain

meri man ke diye kangan nahin hain