کوئی سمجھے درد کیا نخچیر کا

کوئی سمجھے درد کیا نخچیر کا

فلسفہ غالبؔ کا اور غم میرؔ کا

بس تعارف ٹھوس ہونا چاہیے

ترجماں ہر شعر ہے تاثیر کا

زندگی کا کچھ بھی تو حاصل نہیں

ہاں مگر اک ناز ہے تحریر کا

کون آئے گا مری تربت پہ اب

کیا بنے گا خاک کی تقدیر کا

ہم ہی کیوں برپا کریں طوفان غم

اس نے کب سوچا دل دلگیر کا

آنے والے کی خبر آتی نہیں

کیا سبب قاصد کی اس تاخیر کا

اس نے تو دیکھا نہیں جی بھر کے بھی

زخم تھا تقدیر میں تقصیر کا

کیا ہوئی انسانیت جوگیؔ تری

کیا بنا اس خواب کی تعبیر کا