koi sawal-e-KHuda-o-sanam nahin ai dost
koī savāl-e-ḳhudā-o-sanam nahīñ ai dost
maiñ kyā karūñ mirī gardan meñ ḳham nahīñ ai dost
hameñ yahī hai munāsib ki ek sū ho leñ
jagah miyān-e-vajūd-o-adam nahīñ ai dost
ḳhushāmadoñ se nikaltā nahīñ hai kaam yahāñ
mo.āmla hai ḳhudā se sanam nahīñ ai dost
agarche sard añdhere haiñ bā.is-e-taklīf
magar ye garm ujāle bhī kam nahīñ ai dost
ajab mizāj hai in mai-kada nashīnoñ kā
ki qadr-e-jām to hai qadr-e-jam nahīñ ai dost
khulā hai aur khulegā 'jamīl' sab ke liye
ye mai-kada hai kunisht-o-haram nahīñ ai dost
koi sawal-e-KHuda-o-sanam nahin ai dost
main kya karun meri gardan mein KHam nahin ai dost
hamein yahi hai munasib ki ek su ho len
jagah miyan-e-wajud-o-adam nahin ai dost
KHushamadon se nikalta nahin hai kaam yahan
moamla hai KHuda se sanam nahin ai dost
agarche sard andhere hain bais-e-taklif
magar ye garm ujale bhi kam nahin ai dost
ajab mizaj hai in mai-kada nashinon ka
ki qadr-e-jam to hai qadr-e-jam nahin ai dost
khula hai aur khulega 'jamil' sab ke liye
ye mai-kada hai kunisht-o-haram nahin ai dost
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
