koi sitara-e-girdab aashna tha main

Saleem Ahmed

koi sitara-e-girdab aashna tha main

Saleem Ahmed

MORE BYSaleem Ahmed

    koī sitāra-e-girdāb āshnā thā maiñ

    ki mauj mauj andheroñ meñ Dūbtā thā maiñ

    us ek chehre meñ ābād the ka.ī chehre

    us ek shaḳhs meñ kis kis ko dekhtā thā maiñ

    na.e sitāre mirī raushnī meñ chalte the

    charāġh thā ki sar-e-rāh jal rahā thā maiñ

    safar meñ ishq ke ik aisā marhala aayā

    vo DhūñDtā thā mujhe aur kho gayā thā maiñ

    tamām umr hāsil sarāb o tishna-labī

    mirā qusūr yahī thā ki sochtā thā maiñ

    bigaḌ rahā thā maiñ duniyā ke zāviye se magar

    ik aur zāviya thā jis se ban rahā thā maiñ

    nahīñ rahā maiñ tire rāste patthar bhī

    vo din bhī the tire ehsās meñ ḳhudā thā maiñ

    mujhe gila na kisī sañg na aahan

    usī ne toḌ diyā jis ā.īna thā maiñ

    koi sitara-e-girdab aashna tha main

    ki mauj mauj andheron mein Dubta tha main

    us ek chehre mein aabaad the kai chehre

    us ek shaKHs mein kis kis ko dekhta tha main

    nae sitare meri raushni mein chalte the

    charagh tha ki sar-e-rah jal raha tha main

    safar mein ishq ke ek aisa marhala aaya

    wo DhunDta tha mujhe aur kho gaya tha main

    tamam umr ka hasil sarab o tishna-labi

    mera qusur yahi tha ki sochta tha main

    bigaD raha tha main duniya ke zawiye se magar

    ek aur zawiya tha jis se ban raha tha main

    nahin raha main tere raste ka patthar bhi

    wo din bhi the tere ehsas mein KHuda tha main

    mujhe gila na kisi sang ka na aahan ka

    usi ne toD diya jis ka aaina tha main

    RECITATIONS

    Nomaan Shauque

    Nomaan Shauque

    Nomaan Shauque

    koi sitara-e-girdab aashna tha main Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY