koi soche na hamein koi pukara na kare

Abrar Ahmad

koi soche na hamein koi pukara na kare

Abrar Ahmad

MORE BYAbrar Ahmad

    koī soche na hameñ koī pukārā na kare

    ham kahīñ haiñ ki nahīñ haiñ koī charchā na kare

    raat afsūñ hai kahīñ nahīñ rahne detī

    din ko so.e na koī raat ko jaagā na kare

    ham nikal aa.e haiñ ab dhuup meñ jalne ke liye

    koī bādal nahīñ bheje koī saaya na kare

    an-ginat āñkhoñ meñ ham jalte rahe bujhte rahe

    ab bhale ḳhvāb hamārā koī dekhā na kare

    ham ne ik shahr basā rakkhā hai dīvāroñ meñ

    kaam jo dil ne kiyā chashm-e-tamāshā na kare

    koī ab ke zarā dekhe to us miTTī ko

    aise sairāb kiyā hai koī dariyā na kare

    go farāmoshī takmīl huā chāhtī hai

    phir bhī kah do ki hameñ yaad vo aayā na kare

    ham use ranj-e-tamannā se to bhar sakte haiñ

    aur ye dil hai ki ab koī taqāzā na kare

    vaar karnā hai agar ham pe to vo khul kar aa.e

    aur bhūle se bhī ye kaam vo tanhā na kare

    koi soche na hamein koi pukara na kare

    hum kahin hain ki nahin hain koi charcha na kare

    raat afsun hai kahin ka nahin rahne deti

    din ko soe na koi raat ko jaga na kare

    hum nikal aae hain ab dhup mein jalne ke liye

    koi baadal nahin bheje koi saya na kare

    an-ginat aankhon mein hum jalte rahe bujhte rahe

    ab bhale KHwab hamara koi dekha na kare

    hum ne ek shahr basa rakkha hai diwaron mein

    kaam jo dil ne kiya chashm-e-tamasha na kare

    koi ab ja ke zara dekhe to us miTTi ko

    aise sairab kiya hai koi dariya na kare

    go faramoshi ki takmil hua chahti hai

    phir bhi kah do ki hamein yaad wo aaya na kare

    hum use ranj-e-tamanna se to bhar sakte hain

    aur ye dil hai ki ab koi taqaza na kare

    war karna hai agar hum pe to wo khul kar aae

    aur bhule se bhi ye kaam wo tanha na kare

    RECITATIONS

    Nomaan Shauque

    Nomaan Shauque

    Nomaan Shauque

    koi soche na hamein koi pukara na kare Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY