koi tara kahin mahtab se milta-julta

koī taarā kahīñ mahtāb se miltā-jultā

yahī manzar hai mire ḳhvāb se miltā-jultā

ghar muzayyan hai to phir sahn bhī ḳhālī kyuuñ ho

kyuuñ nahīñ apne meñ ahbāb se miltā-jultā

rau maiñ bahtā huuñ to hotī hai ragoñ meñ halchal

jaane kyā mujh meñ hai sailāb se miltā-jultā

qatra-e-surḳh meñ jab ḳhuun kī tāsīr nahīñ

kyā hai phir jism meñ tezāb se miltā-jultā

āsmāñ mujh se chhupātā hai koī sachchā.ī

yā koī vahm hai is ḳhvāb se miltā-jultā

kis haqīqat ko chhupātī haiñ nigāheñ 'rāhat'

ret hai yā ki sarāb aab se miltā-jultā

koi tara kahin mahtab se milta-julta

yahi manzar hai mere KHwab se milta-julta

ghar muzayyan hai to phir sahn bhi KHali kyun ho

kyun nahin apne mein ahbab se milta-julta

rau main bahta hun to hoti hai ragon mein halchal

jaane kya mujh mein hai sailab se milta-julta

qatra-e-surKH mein jab KHun ki tasir nahin

kya hai phir jism mein tezab se milta-julta

aasman mujh se chhupata hai koi sachchai

ya koi wahm hai is KHwab se milta-julta

kis haqiqat ko chhupati hain nigahen 'rahat'

ret hai ya ki sarab aab se milta-julta