koi to kaam achchha rah gaya hai

koī to kaam achchhā rah gayā hai

hameñ bas yaad itnā rah gayā hai

hameñ Dhonā hai lāshoñ ko musalsal

yahī ik kaam apnā rah gayā hai

mohabbat kam muravvat hai ziyāda

vahāñ bas ānā-jānā rah gayā hai

jo hai sab kuchh palaT saktā hai pal meñ

kisī kā ik ishāra rah gayā hai

bahut kuchh kaam ham sab kar chuke haiñ

diloñ meñ ghar banānā rah gayā hai

sabhī aise tamāshe ho chuke haiñ

bas ik vaisā tamāshā rah gayā hai

bahut tāḳhīr se ham ne ye jaanā

zamīñ par kaam kaisā rah gayā hai

alāmat kī zarūrat thī jahāñ par

vahāñ bas isti.āra rah gayā hai

zamīñ ko āsmāñ kaise banāte

tasavvur hī meñ naqsha rah gayā hai

hamārī āḳhirī ḳhvāhish na pūchho

kisī ko kyā batānā rah gayā hai

koi to kaam achchha rah gaya hai

hamein bas yaad itna rah gaya hai

hamein Dhona hai lashon ko musalsal

yahi ek kaam apna rah gaya hai

mohabbat kam murawwat hai ziyaada

wahan bas aana-jaana rah gaya hai

jo hai sab kuchh palaT sakta hai pal mein

kisi ka ek ishaara rah gaya hai

bahut kuchh kaam hum sab kar chuke hain

dilon mein ghar banana rah gaya hai

sabhi aise tamashe ho chuke hain

bas ek waisa tamasha rah gaya hai

bahut taKHir se hum ne ye jaana

zamin par kaam kaisa rah gaya hai

alamat ki zarurat thi jahan par

wahan bas istiara rah gaya hai

zamin ko aasman kaise banate

tasawwur hi mein naqsha rah gaya hai

hamari aaKHiri KHwahish na puchho

kisi ko kya batana rah gaya hai