koi to sarsari haDtal par hai

koī to sarsarī haḌtāl par hai

to koī mantiqī haḌtāl par hai

hamāre ġham hue haiñ itne abtar

hamārī har ḳhushī haḌtāl par hai

kisī kī laash be-gor-o-kafan hai

kisī kī zindagī haḌtāl par hai

koī daulat ke hāthoñ tang hai aur

kisī kī muflisī haḌtāl par hai

ḳhudā se chand māñgeñ haiñ hamārī

hamārī bandagī haḌtāl par hai

imāmat masjidoñ tak rah ga.ī hai

jabhī to muqtadī haḌtāl par hai

mashīnoñ par mashīneñ aa rahī haiñ

bechāra mistirī haḌtāl par hai

ye dukhiyāroñ kī bastī hai mirī jaañ

yahāñ har aadmī haḌtāl par hai

koi to sarsari haDtal par hai

to koi mantiqi haDtal par hai

hamare gham hue hain itne abtar

hamari har KHushi haDtal par hai

kisi ki lash be-gor-o-kafan hai

kisi ki zindagi haDtal par hai

koi daulat ke hathon tang hai aur

kisi ki muflisi haDtal par hai

KHuda se chand mangen hain hamari

hamari bandagi haDtal par hai

imamat masjidon tak rah gai hai

jabhi to muqtadi haDtal par hai

mashinon par mashinen aa rahi hain

bechaara mistiri haDtal par hai

ye dukhiyaron ki basti hai meri jaan

yahan har aadmi haDtal par hai