koi zawal nahin is zawal ke aage

koī zavāl nahīñ is zavāl ke aage

junūb aane lagā hai shumāl ke aage

vo husn hai kī zuleḳhā sā 'ishq ho jaa.e

jamāl phīkā hai us ke jamāl ke aage

subūt aur bhī haiñ is bayān ke pīchhe

savāl aur bhī haiñ is savāl ke aage

jagah nahīñ thī masānoñ meñ qabr-gāhoñ meñ

avaam martī rahī aspatāl ke aage

hamārā vasl abhī aur vaqt maañg rahā

safar tamām nahīñ intiqāl ke aage

use gumān thā talvār jang jītegī

shikasta ho ga.ī talvār Dhaal ke aage

misāl 'ishq kī ab tak jo dī ga.ī thī 'kāf'

badal ga.ī hai hamārī misāl ke aage

koi zawal nahin is zawal ke aage

junub aane laga hai shumal ke aage

wo husn hai ki zuleKHa sa 'ishq ho jae

jamal phika hai us ke jamal ke aage

subut aur bhi hain is bayan ke pichhe

sawal aur bhi hain is sawal ke aage

jagah nahin thi masanon mein qabr-gahon mein

awam marti rahi aspatal ke aage

hamara wasl abhi aur waqt mang raha

safar tamam nahin intiqal ke aage

use guman tha talwar jang jitegi

shikasta ho gai talwar Dhaal ke aage

misal 'ishq ki ab tak jo di gai thi 'kaf'

badal gai hai hamari misal ke aage