کوئی زوال نہیں اس زوال کے آگے

کوئی زوال نہیں اس زوال کے آگے

جنوب آنے لگا ہے شمال کے آگے

وہ حسن ہے کی زلیخا سا عشق ہو جائے

جمال پھیکا ہے اس کے جمال کے آگے

ثبوت اور بھی ہیں اس بیان کے پیچھے

سوال اور بھی ہیں اس سوال کے آگے

جگہ نہیں تھی مسانوں میں قبر گاہوں میں

عوام مرتی رہی اسپتال کے آگے

ہمارا وصل ابھی اور وقت مانگ رہا

سفر تمام نہیں انتقال کے آگے

اسے گمان تھا تلوار جنگ جیتے گی

شکستہ ہو گئی تلوار ڈھال کے آگے

مثال عشق کی اب تک جو دی گئی تھی کافؔ

بدل گئی ہے ہماری مثال کے آگے