kore kaghaz ki tarah be-nur babon mein raha
kore kāġhaz kī tarah be-nūr bāboñ meñ rahā
tīrgī kā hāshiya ban kar kitāboñ meñ rahā
maiñ aziyyat-nāk lamhoñ ke itāboñ meñ rahā
dard kā qaidī banā ḳhāna ḳharāboñ meñ rahā
jis qadar dī jism ko maqrūz sāñsoñ kī zakāt
kyā batā.ūñ jism utnā hī azāboñ meñ rahā
be-sifat sahrā huuñ kyuuñ sahrā-navardoñ ne kahā
har qadam par jab ki maiñ andhe sarāboñ meñ rahā
vaqt kī mahrūmiyoñ ne chhīn lī merī zabān
varna ik muddat talak maiñ lā-javāboñ meñ rahā
DhūñDte ho kyuuñ jalī tahrīr ke asbāq meñ
maiñ to kohre kī tarah dhuñdle nisāboñ meñ rahā
kore kaghaz ki tarah be-nur babon mein raha
tirgi ka hashiya ban kar kitabon mein raha
main aziyyat-nak lamhon ke itabon mein raha
dard ka qaidi bana KHana KHarabon mein raha
jis qadar di jism ko maqruz sanson ki zakat
kya bataun jism utna hi azabon mein raha
be-sifat sahra hun kyun sahra-nawardon ne kaha
har qadam par jab ki main andhe sarabon mein raha
waqt ki mahrumiyon ne chhin li meri zaban
warna ek muddat talak main la-jawabon mein raha
DhunDte ho kyun jali tahrir ke asbaq mein
main to kohre ki tarah dhundle nisabon mein raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
