koshish-e-tark-e-talluq ne rulaya hai bahut

koshish-e-tark-e-ta.alluq ne rulāyā hai bahut

bhūlnā chāhā jab us ko yaad aayā hai bahut

hai amal ke ba.ad hī dast-e-duā kā marhala

ham ne ai vaa.iz ḳhudā ko āzmāyā hai bahut

ik tabassum ke liye sau baar āñkheñ nam huiiñ

zindagī ai zindagī tū ne rulāyā hai bahut

dostoñ ne jab hameñ luuTā vafā ke naam par

dushmanoñ kī dushmanī par pyaar aayā hai bahut

sar uThā kar chilchilātī dhuup meñ kiije safar

sar jhukā leñ to ghane peḌoñ kā saayā hai bahut

DhūñDne jaa.eñ sukūn-e-dil kahāñ 'farhat' ki ab

vahshatoñ kā har galī-kūche meñ saayā hai bahut

koshish-e-tark-e-talluq ne rulaya hai bahut

bhulna chaha jab us ko yaad aaya hai bahut

hai amal ke baad hi dast-e-dua ka marhala

hum ne ai waiz KHuda ko aazmaya hai bahut

ek tabassum ke liye sau bar aankhen nam huin

zindagi ai zindagi tu ne rulaya hai bahut

doston ne jab hamein luTa wafa ke nam par

dushmanon ki dushmani par pyar aaya hai bahut

sar uTha kar chilchilati dhup mein kije safar

sar jhuka len to ghane peDon ka saya hai bahut

DhunDne jaen sukun-e-dil kahan 'farhat' ki ab

wahshaton ka har gali-kuche mein saya hai bahut