کوشش ہے شام ہی سے کہ محفل سجاؤں میں

کوشش ہے شام ہی سے کہ محفل سجاؤں میں

خوابوں کو ان کی نیند سے کیسے جگاؤں میں

تعریف میری کر کے بھی تھکتے نہ تھے جو لوگ

اب بھی وہی ہوں ان کو مگر کیا بتاؤں میں

باد صبا کے سوز سے دل بھی نہ بچ سکا

قصے بہار کے ہیں تجھے کیا سناؤں میں

اس پر ہی اعتبار کروں آنکھ موند کر

یا اس سے روز روز کے دھوکے ہی کھاؤں میں

پھیکی رہی ہے میری چمک اس کی بزم میں

اس کے قریب اور دئے کیا جلاؤں میں

ببیاکؔ داستان حوادث ہے جب حیات

کس کو کروں میں یاد کسے بھول جاؤں میں