koshishen jitni bhi hoti rahin suljhane ki

koshisheñ jitnī bhī hotī rahīñ suljhāne kī

zindagī aur ulajhtī rahī dīvāne kī

jāda-paimā.ī kā phir shauq huā hai mujh ko

vus'ateñ aur baḌhā do zarā vīrāne kī

ho sadāqat pe jo mabnī tire aane kī ḳhabar

aur baḌh jā.egī raunaq mire kāshāne kī

log kahte haiñ ki iksīr-sifat hotī hai

ham bhī kuchh ḳhaak uThā laa.e haiñ maiḳhāne kī

hai baḌā farq agar ġhaur se dekhā jaa.e

ek manzil hī sahī sham' kī parvāne kī

'ishq ne mujh ko kahīñ kā bhī na chhoḌā 'bismil'

ab hai pahchān yagāne kī na begāne kī

koshishen jitni bhi hoti rahin suljhane ki

zindagi aur ulajhti rahi diwane ki

jada-paimai ka phir shauq hua hai mujh ko

wus'aten aur baDha do zara virane ki

ho sadaqat pe jo mabni tere aane ki KHabar

aur baDh jaegi raunaq mere kashane ki

log kahte hain ki iksir-sifat hoti hai

hum bhi kuchh KHak uTha lae hain maiKHane ki

hai baDa farq agar ghaur se dekha jae

ek manzil hi sahi sham' ki parwane ki

'ishq ne mujh ko kahin ka bhi na chhoDa 'bismil'

ab hai pahchan yagane ki na begane ki