kuchh aagahi ki sabilen hain intishaar mein bhi
kuchh āgahī kī sabīleñ haiñ intishār meñ bhī
kabhī kabhī nikal aayā karo ġhubār meñ bhī
ye baat alag ki nishāñ apnā mausamoñ ko na deñ
numū ke silsile hote haiñ reg-zār meñ bhī
maiñ ban ke johd-e-ravāñ mauj-mauj phailā huuñ
mirī fanā nahīñ dariyā ke iḳhtiyār meñ bhī
musāfir aap banā lete haiñ jagah apnī
musāfiroñ ko biThā do kisī dayār meñ bhī
kalām karte haiñ dar boltī haiñ dīvāreñ
ajiib sūrateñ hotī haiñ intizār meñ bhī
barasne vaalī ghaTā TuuT TuuT kar barsī
sulagne vaale sulagte rahe bahār meñ bhī
kuchh aagahi ki sabilen hain intishaar mein bhi
kabhi kabhi nikal aaya karo ghubar mein bhi
ye baat alag ki nishan apna mausamon ko na den
numu ke silsile hote hain reg-zar mein bhi
main ban ke johd-e-rawan mauj-mauj phaila hun
meri fana nahin dariya ke iKHtiyar mein bhi
musafir aap bana lete hain jagah apni
musafiron ko biTha do kisi dayar mein bhi
kalam karte hain dar bolti hain diwaren
ajib suraten hoti hain intizar mein bhi
barasne wali ghaTa TuT TuT kar barsi
sulagne wale sulagte rahe bahaar mein bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
