kuchh aarzu ke KHwab dikhane lagi hawa

kuchh aarzū ke ḳhvāb dikhāne lagī havā

paanī ke zindagī ko satāne lagī havā

ham bhī hue shikār haiñ iz.hār-e-ishq ke

jab gesuoñ ke ḳham ko dikhāne lagī havā

bād-e-sabā tumhārī mahak le ke aa ga.ī

rūThe hue diloñ ko manāne lagī havā

lailā-o-qais ham ko kahne lage haiñ log

rusvā.iyoñ ko naam batāne lagī havā

dil kī muñDer kā ye diyā kaise bujh gayā

pūchhā to apnā pahlū bajāne lagī havā

tum jo nahīñ ho paas to kaise badal ga.ī

shabnam meñ bhīgī raat jalāne lagī havā

'aslam' koī jo shab kabhī zālim sī ban ga.ī

siine se lag ke mujh ko sulāne lagī havā

kuchh aarzu ke KHwab dikhane lagi hawa

pani ke zindagi ko satane lagi hawa

hum bhi hue shikar hain izhaar-e-ishq ke

jab gesuon ke KHam ko dikhane lagi hawa

baad-e-saba tumhaari mahak le ke aa gai

ruThe hue dilon ko manane lagi hawa

laila-o-qais hum ko kahne lage hain log

ruswaiyon ko nam batane lagi hawa

dil ki munDer ka ye diya kaise bujh gaya

puchha to apna pahlu bajaane lagi hawa

tum jo nahin ho pas to kaise badal gai

shabnam mein bhigi raat jalane lagi hawa

'aslam' koi jo shab kabhi zalim si ban gai

sine se lag ke mujh ko sulane lagi hawa