kuchh aisi kaifiyat se saqi-e-mastana aata hai
kuchh aisī kaifiyat se sāqī-e-mastāna aatā hai
ki jaise rañg chhalkātā huā paimāna aatā hai
kuchh aise bhī haiñ jo mahfil meñ tishna-kām rahte haiñ
nigāh-e-lutf haTtī hai agar paimāna aatā hai
ye kis kī shakl āñkheñ band karte hī nazar aa.ī
ye kis kā naam lab par ḳhud paye afsāna aatā hai
use ham bhuul jaa.eñ ham ne chāhā hai bahut lekin
ḳhayāl aatā hai aksar aur bebākāna aatā hai
mujhe is be-ḳhudī par bhī dil-e-marhūm ai 'jauhar'
bahut yaad aatā hai jab daur meñ paimāna aatā hai
kuchh aisi kaifiyat se saqi-e-mastana aata hai
ki jaise rang chhalkata hua paimana aata hai
kuchh aise bhi hain jo mahfil mein tishna-kaam rahte hain
nigah-e-lutf haTti hai agar paimana aata hai
ye kis ki shakl aankhen band karte hi nazar aai
ye kis ka nam lab par KHud paye afsana aata hai
use hum bhul jaen hum ne chaha hai bahut lekin
KHayal aata hai aksar aur bebakana aata hai
mujhe is be-KHudi par bhi dil-e-marhum ai 'jauhar'
bahut yaad aata hai jab daur mein paimana aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
