kuchh aur tere mujhse sawalat hon to bol

kuchh aur tere mujh se savālāt hoñ to bol

ye zindagī tavīl hai ḳhadshāt hoñ to bol

cigarette ham ne chhoḌ dī aur dekh ḳhush bhī haiñ

tere sabab ye saare karāmāt hoñ to bol

jaadū to chāñd aur sitāroñ ke dam se hai

ai raat tujh se koī tilismāt hoñ to bol

detā hai kyoñ dilāsa yūñhī baat baat par

gar tere iḳhtiyār meñ hālāt hoñ to bol

varna to mujh se koī tū ummīd mat hī rakh

kuchh mujh pe terī ḳhaas ināyāt hoñ to bol

tū jin ke pīchhe chal ke yahāñ dar-ba-dar huā

gar mere paañv ke vo nishānāt hoñ to bol

kuchh to huā hī hogā jo ham bolte rahe

mujh se agar tujhe bhī shikāyāt hoñ to bol

'irfān' saarī duniyā agarche ḳhilāf hai

us ke mire ḳhilāf bayānāt hoñ to bol

kuchh aur tere mujh se sawalat hon to bol

ye zindagi tawil hai KHadshat hon to bol

cigarette hum ne chhoD di aur dekh KHush bhi hain

tere sabab ye sare karamat hon to bol

jadu to chand aur sitaron ke dam se hai

ai raat tujh se koi tilismat hon to bol

deta hai kyon dilasa yunhi baat baat par

gar tere iKHtiyar mein haalat hon to bol

warna to mujh se koi tu ummid mat hi rakh

kuchh mujh pe teri KHas inayat hon to bol

tu jin ke pichhe chal ke yahan dar-ba-dar hua

gar mere panw ke wo nishanat hon to bol

kuchh to hua hi hoga jo hum bolte rahe

mujh se agar tujhe bhi shikayat hon to bol

'irfan' sari duniya agarche KHilaf hai

us ke mere KHilaf bayanat hon to bol