کچھ بتانا نہیں کہ تجھ سے کہیں
دلچسپ معلومات
نذرِ فرازؔ
کچھ بتانا نہیں کہ تجھ سے کہیں
دل دکھانا نہیں کہ تجھ سے کہیں
یہ نئے زاویے ہیں زخموں کے
دل لبھانا نہیں کہ تجھ سے کہیں
اک زمانہ کہ سب کہا تجھ سے
وہ زمانہ نہیں کہ تجھ سے کہیں
دل بہلتا تھا آنے جانے سے
آنا جانا نہیں کہ تجھ سے کہیں
کار مشکل ہے جوڑنا دل کا
آزمانا نہیں کہ تجھ سے کہیں
ہیر رانجھا کی یہ کہانی نہیں
یہ فسانہ نہیں کہ تجھ سے کہیں
خواہشوں کو سلا چکے کب کے
اب جگانا نہیں کہ تجھ سے کہیں
کشتیاں ساری اب جلانی ہیں
کچھ بچانا نہیں کہ تجھ سے کہیں
گھر ہمارا اجڑ چکا ہے عدیلؔ
اب بسانا نہیں کہ تجھ سے کہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
