kuchh bhi dushwar nahin azm-e-jawan ke aage

kuchh bhī dushvār nahīñ azm-e-javāñ ke aage

āshiyāñ bante ga.e barq-e-tapāñ ke aage

zindagī naġhma-e-dil-kash hai magar ai nādāñ

tū ne sīkhā hī nahīñ āh-o-fuġhāñ ke aage

qissa-e-bazm-e-tarab tazkira-e-mausam-e-gul

ḳhuub haiñ yuuñ to magar soḳhta-jāñ ke aage

ham haiñ aur fasl-e-ḳhizāñ fasl-e-ḳhizāñ hai aur ham

ham se kyā pūchhte ho fasl-e-ḳhizāñ ke aage

dastaras aql kī hai sarhad-e-idrāk sahī

manzileñ aur bhī haiñ vahm-o-gumāñ ke aage

zahmat-e-yak-nigah-e-lutf kabhī to ai dost

ham ko kahnā hai bahut lafz-o-bayāñ ke aage

yuuñ to dozaḳh meñ bhī hañgāme bapā haiñ lekin

phīke phīke se haiñ āshob-e-jahāñ ke aage

kuchh bhi dushwar nahin azm-e-jawan ke aage

aashiyan bante gae barq-e-tapan ke aage

zindagi naghma-e-dil-kash hai magar ai nadan

tu ne sikha hi nahin aah-o-fughan ke aage

qissa-e-bazm-e-tarab tazkira-e-mausam-e-gul

KHub hain yun to magar soKHta-jaan ke aage

hum hain aur fasl-e-KHizan fasl-e-KHizan hai aur hum

hum se kya puchhte ho fasl-e-KHizan ke aage

dastaras aql ki hai sarhad-e-idrak sahi

manzilen aur bhi hain wahm-o-guman ke aage

zahmat-e-yak-nigah-e-lutf kabhi to ai dost

hum ko kahna hai bahut lafz-o-bayan ke aage

yun to dozaKH mein bhi hangame bapa hain lekin

phike phike se hain aashob-e-jahan ke aage