kuchh bhi nahin jo yaad-e-butan-e-hasin nahin

kuchh bhī nahīñ jo yād-e-butān-e-hasīñ nahīñ

jab vo nahīñ to dil bhī hamārā kahīñ nahīñ

kis vaqt ḳhūñ-fishāñ nahīñ āñkheñ firāq meñ

kis roz tar lahū se yahāñ āstīñ nahīñ

aisā na paayā koī bhī us but kā naqsh-e-pā

jis par ki āshiqoñ ke nishān-e-jabīñ nahīñ

har parda-dār vaqt par aatā nahīñ hai kaam

ek āstīñ hai āñkhoñ par ik āstīñ nahīñ

donoñ jahāñ se kaam nahīñ ham ko ishq meñ

achchhā to hai jo apnā Thikānā kahīñ nahīñ

kyā har taraf hai naza.a meñ apnī nigāh-e-yās

zaanū par us ke sar jo dam-e-vāpsīñ nahīñ

donoñ meñ sau tarah ke bakheḌe haiñ umr bhar

ai ishq mujh ko hausla-e-kufr-o-dīñ nahīñ

vo mehr-vash jo aayā thā kal aur auj thā

aaj āsmāñ pe mere makāñ kī zamīñ nahīñ

kyā aañkh uThā ke naza.a meñ dekhūñ kisī ko maiñ

bālīñ par aap hī jo dam-e-vāpsīñ nahīñ

paidā huī zarūr koī nā-ḳhushī kī baat

be-vaj.h ye huzūr kī chīn-e-jabīñ nahīñ

ḳhair aa ke fātiha kabhī iḳhlās se paḌhe

us bevafā kī zaat se ye bhī yaqīñ nahīñ

ḳhil.at milī junūñ se ajab qat.a kī mujhe

dāman haiñ chaak jeb qabā āstīñ nahīñ

'afsar' jo is jahān meñ kal tak the hukmarāñ

aaj un kā bahar-e-nām bhī tāj-o-nagīñ nahīñ

kuchh bhi nahin jo yaad-e-butan-e-hasin nahin

jab wo nahin to dil bhi hamara kahin nahin

kis waqt KHun-fishan nahin aankhen firaq mein

kis roz tar lahu se yahan aastin nahin

aisa na paya koi bhi us but ka naqsh-e-pa

jis par ki aashiqon ke nishan-e-jabin nahin

har parda-dar waqt par aata nahin hai kaam

ek aastin hai aankhon par ek aastin nahin

donon jahan se kaam nahin hum ko ishq mein

achchha to hai jo apna Thikana kahin nahin

kya har taraf hai naza mein apni nigah-e-yas

zanu par us ke sar jo dam-e-wapsin nahin

donon mein sau tarah ke bakheDe hain umr bhar

ai ishq mujh ko hausla-e-kufr-o-din nahin

wo mehr-wash jo aaya tha kal aur auj tha

aaj aasman pe mere makan ki zamin nahin

kya aankh uTha ke naza mein dekhun kisi ko main

baalin par aap hi jo dam-e-wapsin nahin

paida hui zarur koi na-KHushi ki baat

be-wajh ye huzur ki chin-e-jabin nahin

KHair aa ke fatiha kabhi iKHlas se paDhe

us bewafa ki zat se ye bhi yaqin nahin

KHilat mili junun se ajab qata ki mujhe

daman hain chaak jeb qaba aastin nahin

'afsar' jo is jahan mein kal tak the hukmaran

aaj un ka bahar-e-nam bhi taj-o-nagin nahin