kuchh dard kuchh aziyyaten KHat par utar ke

kuchh dard kuchh aziyyateñ ḳhat par utaar ke

bheje haiñ un ko hijr ke manzar utaar ke

maqtal meñ siskiyoñ kī sadā.eñ buland haiñ

ye kaun ro rahā hai mirā sar utaar ke

ham ne shab-e-siyāh ko rangīn kar liyā

dil meñ kisī kī yaad kā ḳhanjar utaar ke

ḳhush huuñ ki jaise daulat-e-kaunain mil ga.ī

siine meñ un ke ġham kā samundar utaar ke

āñkhoñ ko band kar ke maiñ kyā sochtā rahā

guzrī huī bahār kā manzar utaar ke

vo shaḳhs zinda ho ke bhī hai zindagī se duur

jiitā hai jo shu'ūr kā zevar utaar ke

'tābish' jo chāhte ho mileñ sar-bulandiyāñ

rakh do ta'assubāt kī chādar utaar ke

kuchh dard kuchh aziyyaten KHat par utar ke

bheje hain un ko hijr ke manzar utar ke

maqtal mein siskiyon ki sadaen buland hain

ye kaun ro raha hai mera sar utar ke

hum ne shab-e-siyah ko rangin kar liya

dil mein kisi ki yaad ka KHanjar utar ke

KHush hun ki jaise daulat-e-kaunain mil gai

sine mein un ke gham ka samundar utar ke

aankhon ko band kar ke main kya sochta raha

guzri hui bahaar ka manzar utar ke

wo shaKHs zinda ho ke bhi hai zindagi se dur

jita hai jo shu'ur ka zewar utar ke

'tabish' jo chahte ho milen sar-bulandiyan

rakh do ta'assubaat ki chadar utar ke