kuchh din ki raunaq barson ka jina

kuchh din kī raunaq barsoñ kā jiinā

saarī javānī aadhā mahīna

duniyā-e-dil kī rasmeñ nirālī

be-maut marnā be-ās jiinā

rokā thā dam bhar lahrātā aañsū

aa aa gayā hai dāñtoñ pasīna

vo aise hī haiñ jā re javānī

jo ḳhud hī baḳhshā vo ḳhud hī chhīnā

jis kā thā va.ada vo kal na aa.ī

din ginte guzrā saarā mahīna

muñh par safā.ī aur chor dil meñ

ā.īna pheñko poñchho pasīna

bas 'ārzū' bas fardā kā va.ada

barsoñ kī bāteñ do din kā jiinā

kuchh din ki raunaq barson ka jina

sari jawani aadha mahina

duniya-e-dil ki rasmen nirali

be-maut marna be-as jina

roka tha dam bhar lahraata aansu

aa aa gaya hai danton pasina

wo aise hi hain ja re jawani

jo KHud hi baKHsha wo KHud hi chhina

jis ka tha wada wo kal na aai

din ginte guzra sara mahina

munh par safai aur chor dil mein

aaina phenko ponchho pasina

bas 'arzu' bas farda ka wada

barson ki baaten do din ka jina