kuchh din se uTh rahi hai dil-o-shahar-e-jaan se KHak

kuchh din se uTh rahī hai dil-o-shahar-e-jāñ se ḳhaak

jab ham hare bhare haiñ to aa.ī kahāñ se ḳhaak

phir bhī ye dil dhaḌak uThā us kī pukār par

go us pe lā ke Daalī thī saare jahāñ se ḳhaak

chehra aTā hai dhuul se ḳhālī haiñ donoñ haath

tum aa rahe ho chhān ke āḳhir kahāñ se ḳhaak

ham is liye bhī us se milāte nahīñ nazar

nisbat zamīn ko hai bhalā āsmāñ se ḳhaak

kal tak harā bharā thā tirā dil mirā dimāġh

ab kaise uḌ rahī hai yahāñ se vahāñ se ḳhaak

ā.inda mere saath yahāñ raftagāñ bhī hoñ

so maiñ haTā rahī huuñ har ik dāstāñ se ḳhaak

jis but ko merā ishq nahīñ raam kar sakā

vo ho sakegā mom tumhāre bayāñ se ḳhaak

kuchh din se uTh rahi hai dil-o-shahar-e-jaan se KHak

jab hum hare bhare hain to aai kahan se KHak

phir bhi ye dil dhaDak uTha us ki pukar par

go us pe la ke Dali thi sare jahan se KHak

chehra aTa hai dhul se KHali hain donon hath

tum aa rahe ho chhan ke aaKHir kahan se KHak

hum is liye bhi us se milate nahin nazar

nisbat zamin ko hai bhala aasman se KHak

kal tak hara bhara tha tera dil mera dimagh

ab kaise uD rahi hai yahan se wahan se KHak

aainda mere sath yahan raftagan bhi hon

so main haTa rahi hun har ek dastan se KHak

jis but ko mera ishq nahin ram kar saka

wo ho sakega mom tumhaare bayan se KHak