kuchh dinon is shahr mein hum log aawara phiren

kuchh dinoñ is shahr meñ ham log āvāra phireñ

aur phir is shahr ke logoñ kā afsāna likheñ

shaam ho to dostoñ ke saath mai-ḳhāne chaleñ

sub.h tak phir raat ke tāqoñ meñ be-masraf jaleñ

muddateñ guzrīñ ham us kī raah se guzre nahīñ

aaj us kī raah jaane ke bahāne DhūñD leñ

shahr ke dukh kā mudāvā DhūñD lo chāragaro

is se pahle log dīvāreñ siyah karne lageñ

ek jaise manzaroñ se aañkh be-raunaq huī

aao ab kuchh der dīvāroñ se bāhar jhāñk leñ

pahle ghar se be-ḳhayālī meñ nikal paḌte the log

ab taqāzā-e-junūñ ye hai ki vo achchhe lageñ

kuchh dinon is shahr mein hum log aawara phiren

aur phir is shahr ke logon ka afsana likhen

sham ho to doston ke sath mai-KHane chalen

subh tak phir raat ke taqon mein be-masraf jalen

muddaten guzrin hum us ki rah se guzre nahin

aaj us ki rah jaane ke bahane DhunD len

shahr ke dukh ka mudawa DhunD lo chaaragaro

is se pahle log diwaren siyah karne lagen

ek jaise manzaron se aankh be-raunaq hui

aao ab kuchh der diwaron se bahar jhank len

pahle ghar se be-KHayali mein nikal paDte the log

ab taqaza-e-junun ye hai ki wo achchhe lagen