کچھ انساں تھے کچھ مذہب تھے ایک خدا تھا

کچھ انساں تھے کچھ مذہب تھے ایک خدا تھا

اور اس ایک خدا کے کارن سب جھگڑا تھا

جانے ہم کیوں سچ سے اتنا گھبراتے ہیں

سچ پوچھو تو تم جھوٹے تھے میں جھوٹا تھا

یاد ہے جب ہم نے دیکھا تھا پہلا سورج

بڑ کے پتوں سے ننگا تن ڈھانپ لیا تھا

کیسا یگ تھا لوگ بھی کیا سیدھے سادے تھے

جس پتھر کو تنک تراشا وہی خدا تھا

لاؤ وقت کے پیلے پنے پڑھ کر دیکھیں

محرومی میراث تھی اپنی غم ورثہ تھا

کتنی صدیاں الٹ پلٹ کر دیکھ چکے ہم

وقت ابھی تک بے چہرہ ہے بے چہرہ تھا